Chehra Na Tera Saamne Gar Paongi Baba
Tareekiye Zindan Main Ghabraongi Baba
Darti Hon Andhere Mai Nazar Kuch Nhi Aata
Deewaron Se Takrati Hoon Mar Jaongi Baba
Dekha Na Sakina Ne Zindan Main Sawera Hai
Main Kya Bataon Baba Yahan Kitna Andhera Hai
Har Roz Marte Hain Mujko Tamachain Zalim
Teri Ladli Ka Baba Zakhmi Hua Chehra Hai
Pabandi Hai Rone Pe Main Bain Karun Kaise
Akbar Ke Qatilon Ne Zindan Ko Ghera Hai
Hota Nahi Guzar Bhi Zindan Se Hawa Ka
Gardan Main Tang Rasan Hai Dam Ghut Raha Hai
Sajjad Ke Seene Pe Main Kis Tarha So Jaon
Bhai Ka Pak Seena Zanjeeron Ne Ghera Hai
Asghar Ka Khoon Bhara Wo Kurta Nhi Mai Bhooli
Aur Yad Mujhko Baba Qasim Ka Wo Sehra Hai
Tere Gale Ko Zakhmi Khanjar Ne Kiya Baba
Rasiyon Se Gala Zakhmi Ab Ho Gaya Mera Hai
Piyasa Zibha Kiya Hai In Zalimon Ne Tujhko
Main Bhi Rahongi Piyasi Ab Wada Ye Mera Hai
Salman Puchti Thi Baba Se Ye Sakina
Mujhse Bhi Ziyada Zakhmi kyun Apka Chehra Hai
