Ya Sari Ar Riza Ya Sari Ar Riza
Ighfir Leman La Yamleko Illad Dua
Fa Innaka Fa Alool Leman Tasha
Ya Manismahu Dawa Wa Zikrahu Shifa
Wa Taataahu Ghinan
Tu He Kabeer Tu He Kibriya Tu Rah Numa
Rag E Galu Se Bhi Nazdeek Tu Har Ek Lamha
Hai Tere Naam Ki Taseer Har Marz Ki Dawa
Hai Tere Zikar Mein Poshida Mere Haq Mein Shifa
Beghair Mange He Karta Hai Tu Atta Pe Atta
Sada Se Pehle He Sunta Hai Sailon Ki Sada
Ali Waseela Bane Aur Kumail Paye Shifa
Ussi Ke Naam Se Mansoob Ho Gayi Yeh Dua
Shab E Jumma Hai Dua E Kumail Shukar Tera
Yeh Ibtida Hai Tou Hai Inteha Hadees E Kisa
Elahi Teri Riza Ke Siwa Kuch Aur Nahi
Ke Mere Pas Dua Ke Siwa Kuch Aur Nahi
Mere Khuda Wo Zabanein Jo Teri Hamd Karein
Wo Tere Panjtan E Pak Ki Dua Mein Rahein
Kabhi Wo Nar E Jahanum Ki Sakhtiyaan Na Sahein
Pul E Sirat Se Be Khof O Be Khatar Guzrein
Gunah Garoon Ko Ye Aasra Hai Subha O Masa
Khula Hua Hai Musalsal Tera Dar E Toba
Rasool E Pak Ke Sadqa Mein Aye Khuda Ghar Ghar
Shua E Ilm Ki Kirno Ka Mustaqil Ho Guzar
Khula Rahe Mere Bachon Pe Shehar E Ilm Ka Dar
Rahe Jawano Ki Har Dam Teri Riza Pe Nazar
Teri Riza Ke Bina Rizq E Ilm Kya Ho Atta
Jo Tu Na Chahe Dar E Ilm Khul Nahi Sakta
Tu Mere Aib Chupata Hai Daal Kar Parda
Elahi Deta Hoon Main Tujh Ko Wasta Is Ka
Wohi Jo Sham E Ghareebaan Mein De Rahi Thi Sada
Nahi Hai Kuch Bhi Mere Pas Is Rida Ke Siwa
Rasool Zadi Ke Parde Ki Laaj Rakh Lena
Bharam Duaon Ka Meri Bhi Aaj Rakh Lena
Shikasta Pehlu E Zahra Ka Wasta Aye Khuda
Jo Waqt E Ghusl Ali Ne Basad Buka Dekha
Tou Apne Aanso Ali Sa Jari Na Rok Saka
Khuda Ka Shair Bhi Ek Cheekh Mar Kar Roya
Ussi Rasool Ki Beti Ka Wasta Aye Khuda
Ho Waldain Ko Sehat Ke Sath Umar Atta
Wo Ek Mareez Jo As Sham Keh Ke Rota Tha
Jhukaye Sar Wo Hayadar Rota Jata Tha
Pehan Ke Beriyaan Jo Karbala Se Sham Gaya
Ussi Mareez Ke Sadqe Se Mangte Hain Shifa
Marz Se Pehle Dawa Khalq Tu Ne Ki Hai Khuda
Bara E Syed E Sajjad De Humein Bhi Shifa
Elahi Syedi Molai Ya Azeez O Hakeem
Jaleel O Qadir O Jabar E Al Ali O Azeem
Teri He Hamd Hai Tu Rab Ul Alameen O Raheem
Gham E Hussain Ke Sadqay Karam Ho Hum Pe Kareem
Sada E Sarwar O Rehan Sun Mere ALLAH
Baroz E Hashar Ho Saya E Rida E Zahra Ka
