Hai Yehi Sab Se Bara Tera Qaseeda Zahra
 Baap Kehta Hai Tujhey Umm-e- Abeeha Zahra
Kul-e- Emaan Ne Parhi Hai Tere Aanchal Pe Namaz
Kyun Na Phir Tujh Ko Kahon Kabay Ka Kaba Zahra

Lailatul Qadar Ka Tarjuma Fatima
La Fatah Ke Khuda Ka Pata Fatima

Anbiya Ke Hain Mushkil Kusha Murtaza
Murtaza Ki Hain Mushkil Kusha Fatima

Yeh Na Hotin Tu Kuch Bhi Na Hota Kahin
Kun Ka Matlab Hai Kiya Fatima Fatima

Teri Fizza Ki Dehleez Se Mang Kar
 Mojzay Le Gaye Anbiya Fatima

Qabar e Masooma e Qum Dikha Di Mujhe
 Haq Se Pocha Jo Tera Pata Fatima

Jab Bhi Mairaj Ki Dil Mein Khuwaish Hoi
 Tere Ghar Aa Gaye Mustafa Fatima

Gasibon Pe Jo Lanat Nahi Bhaijta
Aisa Beta Hai Kis Kam Ka Fatima

Tum Bhi Parday Mein Thin Kuch Tu Wazeh Karo
Our Mairaj Mein Kiya Howa Fatima

Bach Rahe Hain Khad o Khal Abbas Ke
Hain Musallay Pe Mehway Dua Fatima

Ja Ke Dekho Likha Hai Yeh Tareekh Mein
Kis Se Ho Kar Gayin Hain Khafa Fatima

Haq Ki Tareef Likhni Thi Ik Lafz Mein
 Bas Takallum Ne Phir Likh Diya Fatima