Search

Fatima Hai Fatima

Koi Maane Ya Naa Maane
Fatima Hai Fatima
Jis Ke Laiq Mustafa Hain
Wo Ataa Hai Fatima

Do Muhammad Paal Kar Tune Diye Islam Ko
Baap Ne Yun Tujh Ko Apni Maa Kaha Hai Fatima

Khud Ko Wo Hasnain Ka Darzi Kahe Ga Umar Bhar
Aap Ne Rizwan Ko Darzi Keh Diya Hai Fatima

Apni Dhaari Se Safai Tere Dar Ki Raat Bhar
Kon Hai Jo Yun Tahajjud Parh Raha Hai Fatima

Jor Kar Hathon Ko Apne Hur Ne Ye Awaz Di
Aap Ke Hathon Main Mera Faisla Hai Fatima

Mukhtasar Khair Un Nisa Ka Bas Yahi Mafhoom Hai
Aalam E Niswan Ki Khatir Mustafa Hai Fatima

Sehan E Kaaba Tak Bhi Jane Ki Na Zehmat Di Gayi
Tujh Ko Har Beta Musalle Par Mila Hai Fatima

Mehdi E Doran Takallum Hai Jahan Per Aaj Bhi
Parda E Ghaibat Nahi Teri Ridaa Hai Fatima

Leave a Comment

error: Content is protected !!