Kon Samjhe Bhala Fatima Kon Hai
Ya Nabi O Ali O Khuda Kon Hai

Jo Na Saail Se Puche Bata Kon Hai
Aisa Duniya Mein Haajat Rawa Kon Hai

Kapre Rizwan Laaya Hai Maaloom Tha
Dar Pe Fizza Ne Ye Kab Kaha Kon Hai

De Na Paaye Mukammal Jawab Ambiya
Jab Ye Pucha Gaya Syeda Kon Hai

Rab E Hasnain Aye Syeda Marziya
Mera Arbaab Tere Siwa Kon Hai

Az Azal Ta Abad Itne Kam Waqt Mein
Kya Bataein Ali Fatima Kon Hai

Haami E Qatilaan E Janab E Batool
Main Tou Insan Hoon Tu Bata Kon Hai

Baab E Zahra Pe Shab Mein Ye Jaar O Bakash
Aye Abuzar Zara Dekhna Kon Hai

Roz Phirti Hai Baagh E Fidaq Ke Qareeb
Ye Bhatakti Hui Aatma Kon Hai

Shab Mein Meraj Ki Rab Ne Mehfil Rakhi
Jis Ka Unwan Tha Syeda Kon Hai

Kar Ke Midhat Nabi O Ali Ne Kaha
Ab Khuda Tu Bata Fatima Kon Hai

Kar Tabarah Takallum Tou Khul Jayega
Dushman E Syeda Kon Tha Kon Hai