Kaniz E Zahra Janab E Fizza Wafa Ki Malka Janab E Fizza
Fizza Teri Wafa Ki Had Akhri Yahi Hai
Zainab Ke Sath Tu Bhi Bazaar Main Khari Hai
Tu Ne Tou Syedon Ka Abaad Ghar Bhi Dekha
Aur Kis Tarhan Huwa Woh Barbaad Ghar Bhi Dekha
Tu Phir Bhi Noukri Se Peeche Nahi Hati Hai
Ungli Pakar Ke Teri Zainab Ne Chalna Seekha
Ek Waqt Woh Bhi Aya Zainab Ke Saath Fizza
Jakri Huwi Rasan Main Kanton Pe Tu Chali Hai
Tu Habsh Ki Hai Malka Sab Jaante Hai Bibi
Qadmon Main Thi Tumhare Daulat Jahan Ki Sari
Phir Bhi Kaneez E Zahra Tu Fakhr Se Bani Hai
Har Ek Qadam Pe Tu Ne Zainab Ko Hai Bachaya
Bibi Pe Aane Wala Pathar Hai Tu Ne Khaya
Teri Jabeen Fizza Zakhmon Se Bhar Gayi Hai
Sun Kar Wafat E Abid Khud Bhi Rahi Na Zinda
Bazar E Shaam Main Tha Bibi Tumhara Laasha
Mayyat Tumhari Bibi Baqar Ne Dafn Ki Hai
Aye Arsalan O Mesum Hoti Hai Pursadari
Jab Kaarvan Baqiyya Aate Hein Baari Baari
Fizza Bhi Zaairon Ke Humraah Matami Hai
