Hai Janaza Haider E Karrar Ka
Momino Do Mil Ke Kandha
Chal Basa Zainab Ka Baba
Hai Janaza Haider Karar Ka

Kis Ne Yeh Mehrab Mai Rukn E Hidayat Daha Diya
Yeh Sitam Kaisa Hua
Noha Ye Jibreel Ka Tha

Rok Lo Bhaiya Janaza Mere Baba Jaan Ka
Ro Ke Zainab Ne Kaha
Dekh Loon Chehra Dubara

Koi Zainab Se Yeh Keh De Ro Le Jee Bhar Kar Abhi
Sath Hain Bhai Sab He
Hai Salamat Tera Parda

Eid Hai Nazdeek Aur Ghar Mai Qayamat Hogayi
Hai Saf E Matam Bichi
Keh Rahi Hai Ro Ke Zehra

Kon Kufe Ke Yateemo Ka Rakhe Ga Ab Khayal
Gham Se Hain Sare Nidhal
Shoar Hai Wa Gurbata Ka

Baap Ke Qadmon Pe Sar Rakh Ker Haram Ki Aas Ne
Yeh Kaha Abbas Ne
Alvida Ghazi Ke Baba

Teer Aye Ga Janaze Per Na Phathar Aye Ga
Aur Na Wapis Jaye Ga
Shan Se Ye Dafan Hoga

Sham Ka Ahwal Jab Beti Se Kehte The Ali
Ghan Ke Maare Us Ghari
Zard Tha Mola Ka Chehra

Hai Taqallum Yeh Qayamat Roze Daron Ke Liye
Pursa Daron Ke Liye
Ao Dain Mehdi Ko Pursa