Hamare Hain Mohammad

Hamare Hain Mohammad Hamare Hain Mohammad
Hum Un Ke Azal Se Hain Hamare Hain Mohammad

Wo Ankhein Hain Wal Lail Tou Wa Shams Hai Chehra
Wo Zulf Shab E Qadr Wo Abroo Hain Sawaira
Allah Ne Kuch Aise Saware Hain Mohammad

Sab He Teri Amad Pe Manane Lage Khushiyan
Nalain Ke Tughrey Kahin Galiyon Main Charaghan
Do Jag Ki Zuban Par Yehi Nare Hain Mohammad

Nabiyon Ki Karun Baat Ya Waliyon Ki Karun Baat
Apnon Ki Karun Baat Ya Ghairon Ki Karun Baat
Har Doar Main Har Shakhs Ko Pyare Hain Mohammad

Paigham E Khuda Le Ke Tere Dar Pe Jo Aya
Aksar Teri Dehleez Pe Jibreel Ne Socha
Paigham Kise Doon Ke Ye Sare Hain Mohammad

Bheje Teri Touseef Main Khaliq Ne Sahifay
Hassan O Farazdaq Ne Likhe Kitne Qaseede
Salman O Abuzar Ye Pukare Hain Mohammad

Wo Buzar O Salman Ho Ya Mazhar O Farhan
Parhte Hain Shab O Roz Tere Ishq Ka Quran
Lafzon Ke Tere Samt Ishare Hain Mohammad