Karte Hai Matam Haram Abbas Ka
Hogaya Marna Sitam Abbas Ka
Haye Alamdar Haye Alamdar
Kehte Thy Kamar Thaam Ke Ye Syed E Abraar
Ye Haal Hai Laashe Ka Sambhala Nahi Jata
Teer Aankh Se Bhai Ki Nikala Nahi Jata
Imdaad Ko Aajaiye Ya Haider E Karar
Zainab Ne Teri Aas Pe Chora Tha Madina
Main Kaise Bataon Usay Saqqa E Sakina
Mara Gaya Zainab Teri Chadar Ka Nigehdaar
Tum Qatl Hue Hum Pe Bhi Chal Jaye Gi Shamsheer
Aghyaar Mein Reh Jaye Gi Tanha Meri Hamsheer
Zainab Ki Rida Bachne Ke Baqi Nahi Asaar
Jis Tarhan Se Ghar Laye Thy Masjid Se Ali Ko
Us Tarhan Se Le Jayen Ge Khaime Mein Jari Ko
Akbar Mere Bhai Ka Janaza Karo Tayyar
Bazu Bhi Qalam Hogaye Aye Bazu E Shabbir
Tukre Hai Badan Aankh Mein Paywast Hua Teer
Kis Ne Ye Meri Maa Ki Duaon Pe Kiya Waar
Aati Hai Sada Loot Lo Namoos E Nabi Ko
Ab Maarna Asan Hai Hussain Ibne Ali Ko
Marne Pe Tere Jashn Manate Hai Sitamgaar
Akbar Humein Mushkil Se Bohot Laaye Hain Bhai
Maidan Main Girte Hue Hum Aaye Hain Bhai
Aakhein Tou Zara Kholo Mere Munis O Ghumkhwaar
Ek Baat Tumhein Karb Ki Batlata Hoon Bhaiya
Jab Bhi Koi Masooma Ke Mare Ga Tamacha
Ro Ro Ke Pukare Gi Sakina Tumhe Har Baar
Tha Mir Takallum Yehi Shabbir Ka Noha
Jaate Hue Pura Karo Armaan Humara
Aye Bhai Humein Bhai Pukaro Zara Ek Baar
