Hussain Bant Rahe Hain Nijaat Le Jao
Kuch Ansoon Ke Awaz Kainaat Le Jao
Ye Karbala Hai Yeh Mojiz Numa Ki Basti Hai
Kafan Main Us Ko Lapeto Hayat Le Jao
Kahen Gain Matmi Halqon Se Log Mehshar Main
Humain Hussain Ki Jannat Main Saath Le Jao
Nahi Karunga Lahd Mein Main Intezaar e Sahar
Farishto Karb o Bala Raton Raat Le Jao
Qasam Hussain Ki Pursa Mein Kam He Lagta Hai
Buland Jitna Bhi Matam Main Haath Le Jao
Kaha Ye Khizr Se Abbas Ne Yahan Aakar
Humari Mashq Se Aab e Hayaat Le Jao
Ayy Mojo Uthho Areeze Ko Saath Lai Jao
Imam e Asr Talak Meri Baat Le Jao
Khuda Utarne Wala Hai Sadqa Mehdi Ka
Rasolon Aao Naye Mojizat Le Jao
Kahengi Fatima Waqt e Zahoor Mehdi Se
Larayi Ke Liye Ghazi Ko Sath Le Jao
Gham e Hussain Main Har Zakhm Mojiza Hai Naeem
Saja Ke Jism Pe Kuch Mojizaat Le Jao
