Hussain Hai Na
Khuda Se Kehne Lagi Ye Zehra
Hussain Hai Naa
Teri Shariat Ko Kaisa Khatra
Kaha Khuda Ne Rasool Jao
Jahan Ko Ye Asool Dedo
Hussain Jab Tak Bhi Pusht Pe Hai
Tum Apne Sajdon Ko Tool Dedo
Tumhara Sajda Bacha Rahe Ga
Khayal Choton Ka Kis Tarha Se
Baron Ne Rakha Hai Ye Batana
Rasool Zer E Kisa The Jis Dam
Hassan Ne Zehra Ne Murtaza Ne
Thaher Ke Pehle Nabi Se Pucha
Jo Dekha Mathe Pe Daag E Sajda
Tou Sheikh Se Boli Unki Zoja
Janab Sub Kheriat Tu Hai Na
Taweel Itna Kiya Hai Sajdaa
Wo Bole Jal Kar Are Wo Bacha
Ulat Di Nannhi Si Aastine
Qamar Main Rumal Uski Bandha
Nazar Utari Nazar Se Apni
Ali Ki Beti Ne Phir Ye Bola
Rabab Dekho Tumhara Beta
Khuda Se Zainab Ka Tha Ye Wada
Yazeed Jitna Bhi Dam Laga Le
Azan Hogi Namaz Hogi
Wo Chahe No Lakh Ko Bula Le
Gira Sake Ga Na Tera Kaaba
Jalal Main Jab Ali Ka Beta
Chala Jo Taigh E Ali Ko Tole
Ajeeb Baghdar Thi Karbala Main
Sawar Ik Dusre Se Bole
Tere Bhi Peche Are Batana
Na Wo Kisi Se Hua Hai Paida
Na Koi Bhi Use Hoga Paida
Ye Shart e Touheed Hai Nuseri
Bata Ke Ab Tera Kiya Banega
Tere Khuda Ka Tu Aik Beta
Wo Sub Balaaon Ko Taal Dega
Wo Mushkilon Se Nikal Dega
Khilaf Chahe Ho Sari Dunya
Wo Khud Akaila Sambhal Lega
Ali Ke Shion Tumhara Mola
Udaas Betha Hai Kyun Musalman
Nahi Ager Haj Ki Istetahat
Tu Jaa Abhi Karbala Chala Jaa
Khuloos Se Dil Main Karke Niyat
Bagair Hajj Bhi Tu Haji Hoga
Khuda Ki Izzat Rakhi Hai Jis Ne
Mile Gi Mujh Ko Wahin Se Izzat
Uthalo Dolat Uthalo Sohrat
Nahi Taqallum Ko Kuch Zarurat
Haseen Duniya Ka Kya Karunga
