Shaheed e Masjid e Kufa Hussain Ka Baba
Qateel e Ghurbat e Zahra Hussain Ka Baba
Use Tu Maar Diya Tha Madine Walon Ne
Hua Hai Qatal Dobara Hussain Ka Baba
Ridain Maangti Zainab Jahan Sa Guzra Gi
Har Us Gali Main Hai Roya Hussain Ka Baba
Wo Gham Sunata Tha Qabr e Batool Ko Apne
Tha Socho Kitna Akela Hussain Ka Baba
Khushi Qubool Kahan Thi Usa Batool Ke Baad
Baroz e Eid Bhi Roya Hussain Ka Baba
Kabhi Falak Kabhi Ghazi Ko Dekha Zainab Na
Lahu Main Duba Jo Aaya Hussain Ka Baba
Isi Ke Samne Zahra Tamancha Khati Rahi
Ghareeb Ho Gaya Itna Hussain Ka Baba
Pukara Aakhri Lamhon Main Shukriya Fizza
Hai Qarzdaar Tumhara Hussain Ka Baba
Rukh e Batool Pe Mohsin Thi Ungliyon Ke Nishan
Ye Gham Bhula Nahi Sakta Hussain Ka Baba
