Hussain Tere Lahoo Ki Khushbo
Falak Ke Daman Sa Arahi Hai
Ye Khoon E Na Haq Chupa Ga Kyun Kar
Jise Yeh Duniya Chupa Rahi Hai
Hussain Lasha Jawaan Ka Le Kar
Chale Hain Maqtal Sa Soye Khaima
Magar Zaifi Qadam Qadam Per
Utha Rahi Hai Bitha Rahi Hai
Ye Kon Hai Jiski Guftugu Main
Ali Ka Lehja Jhalak Raha Hai
Ye Kon Hai Jis Ke Walwalo Main
Hussainiyat Jaag Maga Rahi Hai
Barehna Sar Hai Ali Ki Beti
Magar Wohi Azmat E Mohammad
Wo Jiski Khatir Bhara Huwa Ghar
Luta Ke Karbal Se Arahi Hai
Pukari Dasht E Bala Main Zainab
Kaha Ho Abbas Lout Aao
Utha Ke Hathon Main Khali Kuza
Sakina Tum Ko Bula Rahi Hai
Bujha Ke Paika Se Pyas Apni
Tu Garam Raiti Pa So Raha Hai
Tujhe Khayalo Main Ab Bhi Asghar
Rubab Jhool Jhula Rahi Hai
Dayar E Sham O Dayar E Kufa
Jo Hoke Ayi Hai Bint E Zehra
Nabi Ke Roze Pa Jate Jate
Nishan Rasan Ke Chupa Rahi Hai
Kaha Hai Maqtal Kaha Madina
Tarap Ke Boli Ye Umme Salma
Jo Ghash Se Jagi Hai Teri Sughra
Bus Ek Noha Suna Rahi Hai
