Ashoor Ke Din Ali Asghar Ko Maa Ro Ro Kar Samjhati Hai
Tujhe Aakhri Jang Larna Hai
Tujhe Laaj Meri Rakhna Hai Tujhe Baba Sang Jana Hai
Iss Din Ke Liye He Maa Teri Tujhe Karb o Bala Main Layi Thi
Iss Din Ke Liye He Beta Tujhe Naaz Se Maa Ne Pala Hai
Tu Maa Ka Raaj Dulara Hai Tu Sab Ki Aankh Ka Tara Hai
Tu Shair e Khuda Ka Pota Tera Naam Ali Hai Beta
Aa Lal Tere Kapre Badlon Maqtal Ke Liye Tayar Karun
Aa Chehra Choomu Tera Jee Bhar Ke Dekh Lun Beta
Kabhi Gaud Main Zainab Leti Hai Kabhi Pyar Sakina Karti Hai
Khaimon Main Shoor Hai Barpa Tu Sab Ki Dua Leta Ja
Maidaan Mein Ali Ban Kar Jana Baba Ki Nusrat Farmana
Shabbir Ka Tu Hai Beta Abbas Chacha Hai Tera
Har Maa Ne Di Qurbani Hai Tujhe Meri Laaj Nibhani Hai
Jab Zalim Teer Chalaye Baba Ko Na Lagne Paye
