Jab Mujhe Apke Qatil Ne Hai Mara Baba
Har Tamache Pe Sakina Ne Pukara Baba

Mujhe Balon Se Pakar Kar Hain Tamache Maare
Maine Sar Shimr Se Maanga Jo Tumhara Baba

Wo Jo Dur Aapne Tohfe Mein Mujhe Bakshe Thy
Unko Be Dardi Se Zaalim Ne Utara Baba

Apke Seene Pe Aaram Se Sone Wali
So Ke Ab Khaak Pe Karti Hai Guzara Baba

Saath Rehwaron Ke Douraya Gaya Hai Mujh Ko
Chur Zakhmo Se Badan Mera Hai Sara Baba

Meri Ghurbat Pe Chacha Jaan Ka Sar Rota Hai
Unki Ghurbat Main Karun Kaise Gawara Baba

Nok E Naiza Pe Usay Dekhu Tou Dekhu Kaise
Mera Asghar Tha Mujhe Jaan Se Bhi Pyara Baba

Be Kafan Ap Hain Be Kafan Rahe Gi Beti
Aik Jaisa He Muqadar Hai Humara Baba

Ye Sada Qabr Se Masooma Ki Aaye Mohsin
Saath Qayam Ke Chale Aana Dubara Baba