Jab Mujhe Apke Qatil Ne Hai Mara Baba

Jab Mujhe ApKe Qatil Ne Hai Mara Baba
Har Tamacha Pe Sakina Ne Pukara Baba

Mujhe Balon Se Pakar Kar Hain Tamacha Mare
Main Ne Sar Shimar Se Manga Jo Tumhara Baba

Wo Jo Dur Aap Ne Tohfa Mein Mujhe Bakshe Thay
Un Ko Be Dardi Se Zalim Ne Utara Baba

Aap Ke Seene Pe Aaram Se Sona Wali
So Ke Ab Khaak Pe Karti Hai Guzara Baba

Sath Rahwaron Ke Dauraya Gaya Hai Mujh Ko
Chor Zakhmon Se Badan Mera Hai Sara Baba

Meri Ghurabt Per Chacha Jan Ka Sar Rota Hai
Haye Unki Ghurbat Main Karu Kese Gawar Baba

Nok e Neza Pe Usa Dekhun Tu Dekhun Kaise
Mera Asghar Tha Mujhe Jaan Se Pyara Baba

Be Kafan Aap Ho Be Kafan Rahe Gi Beti
Ek Hi Jaisa Muqaddar Hai Hamara Baba

Ye Sada Qabr Se Masooma Ki Ayi Mohsin
Sath Qaim Ke Chale Aana Dobara Baba

Leave a Comment

Your email address will not be published. Required fields are marked *