Jab Shimar Marta Tha Tamacha Hussain Ko
Aati Thi Yaad Bali Sakina Hussain Ko
Naize Ki Noak Mar Ke Pasli Main Bar Bar
Jalti Zameen Pe Zeen Sa Giraya Hussain Ko
Pathar Kisi Ne Mare Tu Phainki Kisi Khaak
Run Main Kisi Ne Balon Sa Khencha Hussain Ko
Khanjar Chala Raha Hai Wo Seene Pa Beith Kar
Ary Bachi Naa Aa Ke Dekh Le Baba Hussain Ko
Ek Maa Ne Baal Khole Hain Bilkul Usi Jaga
Jis Jaa Pe Shamiynu Na Giraya Hussain Ko
Sattar Qadam Sa Dekh Ke Khanjar Kabhi Gala
Zainab Ne Tera Baar Pukara Hussain Ko
Zibha Ke Wakqt Dete Hain Paani Zabih Ko
Maqtal Main Qatal Krdia Piyasa Hussain
Khanjar Tu Sirf Piyase Ki Gardan Pe Chal Gaya
Abbas Teri Mout Ne Mara Hussain Ko
Zeeshan Pasliyan Thi Shikasta Bawaqt E Dafan
Abid Ne Kis Tarhan Sa Uthaya Hussain Ko
