Jashan Zahra Ka Jab Manatay Hain
Arsh Walay Bhi Sunne Aatay Hain
Ye Woh Midhat Hai Jis Ko Sunne Ko
Chodah Taray Zameen Pa Aatay Hain

Aaj Puri Hui Nabi Ki Dua
Dil Ka Arman Ab Hua Pura
Tana Abtar Ka Ab Na De Koi
Khud Nabi Keh Ke Muskuratay Hain

Bolay Rahib Muqabila Na Karo
Aise Chehron Ka Samna Na Karo
Raiza Raiza Pahar Ho Jayein
Ik Ishara Jo In Ka Patay Hain

Thy Kisa Mein Rasool Aur Imam
Zahra Tera Magar Alag Hai Maqam
Tu Taruf Ke Sab Ka Zariya Hai
Markazi Noor Tujh Ko Patay Hain

Baat Zahra Ne Jo Agar Keh Di
Hukam Ban Kar Woh Arsh Par Pohunchi
Tere Bachoon Ke Eid Ke Kapre
Phir Tou Rizwan Si Ke Latay Hain

Tere Dar Ke Ghulam Hain Sare
Ho Woh Jin O Bashar Falak Walay
Tere Dar Se Tou Rotiyaan Lene
Arsh Walay Zameen Pe Aate Hain

Fikar E Dozakh Na Fikar E Janat Hai
Tere Bachoon Se Agar Mohabbat Hai
Jab Bhi Jatay Hain Karbala Zahra
Apni Janat Zameen Pe Patay Hain

Joan Jab Bhi Quran Parhte Hain
Rizvi Jitna Bhi Ghoor Karte Hain
Aisa Lagta Hai Aye Meri Bibi
Woh Qasida Tera Sunatay Hain