Jhoola Hai Ya Taboot Tumhara Ali Asghar
Madar K Labon Par Hai Ye Noha Ali Asghar
Pehlu Main Mere Aj Say Soye Gi Sakina
Tum Bap Ki Aghosh Main Sona Ali Asghar
Sir Saare Shahidon K Utthe Naizo Pay Lekin
Uttha Tera Nezay Pe Janaza Ali Asghar
Us Waqt Sakina Bhi Khari Dekh Rahi Thi
Naizo Nay Jo Dhunda Tera Lasha Ali Asghar
Iss Tarha Say Rukhsar Tere Khoon Main Tar The
Maa Dekh Na Payi Tera Chehra Ali Asghar
Mohsin Ka Unhe Deejiyo Pursa Mere Beta
Jab Goud Main Lengi Tujhe Zahra Ali Asghar
Laye Hoon Teri Qabr Say Mola Ko Utha Kar
Uthte Hee Nahi The Shahe Wala Ali Asghar
Akbar Na Sula Payenge Tum Zid Nahin Karna
Seenay Ka Abhi Zakhm Hai Taza Ali Asghar
Maa Boli Takallum Mujhe Mare Gaye Pathar
Ummat Ne Diya Yun Tera Pursa Ali Asghar
