Hai Aj Fatima Se Mola Ali Ki Shadi
Jibreel Murtaza Ko Dulha Bana Rahe Hain
Sab Arsh Farsh Wale Khushiya Mana Rahe Hai
Jibreel Murtaza Ko Dulha Bana Rahe Hai
Baad E Saba Khushi Main Itra Ke Chal Rahi Hai
Tehzeeb Aaj Phir Se Karwat Badal Rahi Hai
Jannat Sajane Wale Duniya Saja Rahe Hai
Dul Dul Sawaar Mola Paidal Rawan Dawan Hai
Baratiyon Main Shamil Nabiyon Ka Karwan Hai
Karne Ko Khair Makdam Sarkar Arahe Hai
Mehman Nawaziyon Main Hai Maihgh Shaah E Batha
Khaane Ki Zimmedari Orhay Hai Umme Salma
Ilyaas O Khizr Sab Ko Sharbat Pila Rahe Hai
Miqdaad Ho Ke Qambar Salman Ho Ya Mesum
Hawwa Ho Ya Ke Sara Fizza Ho Ya Ke Maryam
Sehra Ali Wali Ka Sab Mil ke Gaa Rahe Hai
Qirtaas Aasman Hai Tooba Ki Shaakh Khama
Allah Bhar Raha Hai Khud He Nikkah Nama
Imran Aur Mohammad Seeghe Parha Rahe Hai
Kitna Haseen Hai Manzar Is Waqt Rukhsati Ka
Quran Kar Raha Hai Dulhan Ke Sar Pe Saya
Salman Aur Abuzar Doli Utha Rahe Hai
Sun Kar Hasan Se Shadi Nayaab Aur Takallum
Dawood Keh Rahe Hai Kya Khoob Hai Tarannum
Ye Sun Ke Sab Munafiq Bal Khaye Ja Rahe Hai
