Jor Kar Nanhey Say Hathon Ko Sakina Ne Kaha
Kya Isi Din Ke Liye Mujh Ko Tha Manga Baba
Jane Kyun Jashn Manate Hain Sata Kar Mujh Ko
Apne Bachon Ko Hansate Hain Rula Kar Mujh Ko
Shamiyon Ne Mere Rone Ko Tamasha Samjha
Baba Jaan Is Ka Sabab Kya Hai Khuda He Jane
Fatima Naam Kisi Ko Jo Bataya Maine
Be Jhijhak Us Ne Sakina Ko Tamacha Mara
Aap Ne Eid Pe Jo Durr Mujhe Pehnaye Thy
Shimr Ne Kaanon Se Is Tarhan Wo Gohar Noche
Durr Nahi Khoon Bhi Hai Shimr Ke Haathon Main Mera
Qabr Tak Bhool Na Paye Gi Tumhari Beti
Kaat Kar Ungli Tumhari Jo Angothi Kheenchi
Pehn Kar Us Ko He Zalim Ne Tamacha Mara
Aap Ki Laash Ko Jis Tarah Se Pamaal Kiya
Jeete Ji Mera Laeenon Ne Wohi Haal Kiya
Baandh Kar Ghodon Se Paidal Mujhe Doraya Gaya
Us Ne Abbas Ke Badle Yun Sakina Se Liye
Reh Gaye Haathon Main Zalim Ke Kuch Baal Mere
Mujh Ko Aaya He Nahi Koi Churane Wala
Sun Ke Mohsin Ye Buka Karte Thy Sab Arsh Nasheen
Jo Sakina Thi Sukoon Us Ke Muqaddar Main Nahi
Khoon Main Doobi Hai Tumhari Wo Tahajjud Ki Dua
