Ye Sab Tumhara Karam Hai Zahra Ke Baat Ab Tak Bani Hui Hai
Hai Dil Ki Nazron Se Dekha Main Ne Ye Baat Kabe Pe Bhi Likhi Hai

Khuda Ki Qudrat Bhi Keh Rahi Hai Tumhari Jaisi Na Phir Bani Hai
Ali Dubara Bane Hain Lekin Tu Fatima Hai Tu Aik He Hai

Nahi Thi Maryam Tumhare Jaisi Woh Esa Lene Kahin Gayi Thi
Hasan Mile Hain Tujhe Wahin Par Musalle Se Bhi Tu Kab Uthi Hai

Tu Bibi Jo Faqay Rakh Rahi Hai Ye Dil Gareebon Ke Rakh Rahi Hai
Wagarna Raziq Hai Tera Shohar Tujhe Kahan Rizq Ki Kami Hai

Tawaf Kabe Ka Karne Walo Jabeen E Hur Pe Nazar Tou Dalo
Ghilaf E Kaba Hai Is Se Sasta Ye Hur Ka Romal Qeemati Hai

Nabi Ne Mehshar Mein Sab Se Bola Utho Utho Aa Rahi Hai Zahra
Koi Wali Tab Talak Na Baithe Ke Fatima Jab Talak Khari Hai

Taqaiyya Us Par Nahi Karon Ga Woh Jis Ne Bibi Tujhe Sataya
Woh Koi Bhi Woh Jahanumi Hai Woh Dozakhi Hai Woh Lanati Hai

Rajab Hai Sajjad Aane Wala Duaein Dein Gi Ussi Ko Zahra
Woh Jis Zabaan Par Ali Ali Hai Woh Jis Ke Dil Mein Ali Ali Hai