Ishq Ne Kardiya Faisla Ik Taraf
Do Jahan Ik Taraf Karbala Ik Taraf
Sham Walon Ki Taqdeer Likhte Hue
Hur Ko Shabbir Ne Karlia Ik Taraf
Ayy Khuda Kia Najaf Ka Hai Ye Rasta
Jaa Rahe Hain Sabhi Ambiya Ik Taraf
Manqabat Parh Ke Musa Ne Abbas Ki
Karliya Neel Main Rasta Ik Taraf
De Ke Bete Ye Rahib Se Bola Khuda
Har Ata Ik Taraf Ye Ata Ik Taraf
Or Is Ke Siwa Kiya Hai Meraaj Main
Mustufa Ik Taraf Murtaza Ik Taraf
Ham Faqeeron Ki Jannat Hai Karb o Bala
Apni Jannat Ko Waiz Hata Ik Taraf
Ek Besheer Ne Muskurate Hue
Roab No Laakh Ka Kardiya Ik Taraf
Saans Leta Hon Jannat K Mahool Main
Hai Alam Ik Taraf Taazia Ik Taraf
Shaikh Dil Main Ye Gham Hai Tu Matam Bhi Kar
Dil Ka Sacha Agar Hai Tu Aa Ik Taraf
Faisla Ye Ali Ki Wila Se Hua
Hur Hua Ik Taraf Hurmala Ik Taraf
