Dard Tu Mera Samajta Agar Aisa Hota
Kash Akbar Tere Jaisa Tera Beta Hota
Dard Ek Baap Ka Ek Baap Samajh Sakta Hai
Kyun Padar Pichay Tere Rootay Howay Chalta Hai
Beta Adhara Baras Tu Ne Bhi Pala Hota
Muskaratay Howay Tum Ran Ko Chalay Ho Akbar
Soch Tou Lete Ke K Naazon K Palay Ho Akbar
Marnay Jatay Howay Maa Baap Ka Socha Hota
Tu Jo Ghoroon Se Girra Mein Na Sambhal Paya Hoon
Thokarein Khatay Howay Pass Tere Aya Hoon
Tera Rahwaar Na Lata Tu Na Pohancha Hota
Waqt Hai Kitna Karaa Baap K Dil Se Pocho
Mujh Se Kehtey Ho Mere Seenay Se Barchi Nikalo
Haye Mar Jata Mein Yeh Waqt Na Dekha Hota
Dekh Kar Seena Tera Dil Yeh Phata Jata Hai
Aur Rah Rah K Mujhe Bas Yeh Khayal Ata Hai
Tere Badlay Mere Seenay Mein Yeh Naiza Hota
Lash Akbar Ki Uthatay Howay Bolay Sarwar
Kash Manzar Yeh Badal Jata Kuch Aisay Akbar
Hoti Maiyyat Yeh Meri Aur Tera Kandha Hota
Kitni Ghurbat Ka Tha Wo Waqt Ay Zill E Saqlain
Roo Ke Farhan Yeh Bolay Ali Akbar Se Hussain
Hum Ko Bhi Sath Liye Jatay Tu Acha Hota
