Khiza Ne Loot Li Saari Bahaar Ek Din Main
Hussain Qatl Huwe Kitni Baar Ek Din Main
Kaha Chale Gaye Abid Phuphi Se Kehte Thay
Akela Chor Ke Sab Jansaar Ek Din Main
Ye Baat Puche Tu Abid Ki Bekasi Se Koi
Banaye Kaise Bahattar Mazaar Ek Din Main
Abhi Tu Shaam Talak Hai Safar Sakina Ka
Tamache Itne Na Bachi Ko Maar Ek Din Main
Anguthi Koi Aba Koi Le Gaya Kurta
Luti Yun Laashe Ghareeb ud Dayaar Ek Din Main
Jawan Bete Ki Mayyat Pe Keh Rahe Thay Hussain
Main Lut Gaya Mere Parwardigar Ek Din Main
Tumhare Baba Ke Zakhmo Main Zakhm Hai Bibi
Ye Zakhm Kaise Karogi Shumaar Ek Din Main
Dile Mareez Ne Jhale Hai Itne Gham Akhtar
Qalam Se Hona Sakenge Shumaar Ek Din Main
