Hai Rukhsat Ki Ghari Karbala Walon
Khuda Hafiz
Salam E Akhri Aye Karbala Walon
Khuda Hafiz
Na Hum Se Ho Saka Kuch Bhi Ada Haq Maizbani Ka
Hai Ye Sharmindagi Aye Karbala Walon Khuda Hafiz
Tumhare Sath Zehra Bhi Yahan Tashreef Layi Thin
Ye Izzat Bhi Mili Aye Karbala Walon Khuda Hafiz
Hamare Ghar Ki Ronaq Bhi Tumhare Sath Jaati Hai
Udasi Cha Gayi Aye Karbala Walon Khuda Hafiz
Tumhare Gham Main Rote Rote Mar Jaate Tou Acha Tha
Ye Hasrat Reh Gayi Aye Karbala Walon Khuda Hafiz
Kisi Surat Behalta He Nahi Dil Kaise Behlayein
Ajab Hai Bekali Aye Karbala Walon Khuda Hafiz
Phir Agle Saal Hum Yun He Safay Matam Bichayenge
Rahi Gar Zindagi Aye Karbala Walon Khuda Hafiz
