Kiye Hai Shimr Ne Do Qatl Ek Khanjar Se
Lahu Hussain Ka Pocha Behen Ki Chadar Se
Ghareeb e Zahra Wahin Rote Rote Mar Jata
Behen Utha Ke Na Lati Jo Laash e Akbar Se
Kisi Ne Baalon Se Pakra Koi Utha Ke Chala
Sar e Hussain Ko Mara Kisi Ne Patthar Se
Use Uthaya Hai Baba Ki Laash Se Aise
Ke Phir Sakina Nahi Soyi Shimr Ke Darr Se
Lab e Hussain Pe Hass Hass Ke Marta Hai Chhari
Yazeed Khel Raha Tha Hussain Ke Sarr Se
Bulaya Shaam Ke Zindan Mein Jab Sakina Ne
Hussain Pyaase Palat Aaye Hauze Kausar Se
Behen Ka Parda Taqallum Use Bana Na Tha
Suna Raha Tha Woh Quran Sina Ke Mimbar Se
