Kya Bataon Maqaam Zainab Ka
Ism E Azam Hai Naam Zainab Ka

Main Tou Kya Khud Qaseeda Parhte Hain
Mere Bara Imaam Zainab Ka

Tere Dar Par Bhi Aye Ga Jibreel
Tu Bhi Ho Ja Ghulam Zainab Ka

Allah Allah Hurr Teri Qismat
Tujh Ko Aya Salam Zainab Ka

Sare Nabiyon Se Keh Raha Tha Khuda
Dekha Tum Sab Ne Kaam Zainab Ka

Ban Gaya Khud Alam Sa Kaghaz Par
Likh Raha Tha Main Naam Zainab Ka

Chal Raha Hai Azaa Ki Surat Main
Do Jahan Main Nizaam Zainab Ka

Matam E Shah Aur Yazeed Ke Ghar
Dekh Lo Inteqaam Zainab Ka

Dekhta Hai Hussain Ka Sajda
Khud Bhi Ruk Kar Qayam Zainab Ka

Meri Behno Hijab Lazim Hai
Hai Ye Tum Ko Payaam Zainab Ka

Tera Humsar Nahi Hai Mir Koi
Kyun Ke Tu Hai Ghulam Zainab Ka