Ali Akbar Ali Akbar
Ali Akbar Ali Akbar

Haseen Tum Sa Rasoolon Mein Nahi Dekha Ali Akbar
Ziarat Teri Karta Hai Tera Baba Ali Akbar

Yeh Kis Ne Keh Diya Sarkar Ka Saya Nahi Koi
Muhammad Mustafa Ka Aap Hain Saya Ali Akbar

Nahi Ho Ga Tumhara Bhi Koi Saya Ali Akbar
Kabhi Saye Ka Saya Ho Nahi Sakta Ali Akbar

Diye Rahib Ko Jis Ne Saat Betey Apni Marzi Sy
Namaz E Shab Mein Us Ne Aap Ko Manga Ali Akbar

Khuda Ky Laadly Ky Laadly Ho Tum Jabhi Rab Ny
Azan Mein Bhi Tumhara Nam Hai Rakha Ali Akbar

Farishty Anbiya Sab Giyarween Shaban Ko Aaty Hain
Dar E Shabbir Par Leny Tera Sadqa Ali Akbar

Na Kiyun Kar Yad Tujh Ko Dekh Kar Allah Ki Aaye
Tera Dada Hai Jab Allah Ka Chehra Ali Akbar

Woh Kaghaz Wazn Mein Yousuf Ky Hum Palla Nazar Aaya
Likha Tha Jis Py Khali Naam Hi Tera Ali Akbar

Ijazat Den Muhammad Toh Usy Bhi Amina Keh Dun
Woh Jis Bibi Ny Tum Ko Goud Mein Pala Ali Akbar

Takallum Kaisy Pehchanen Gy Us Ko Log Mehshar Mein
Rasool Allah Ky Jab Sath Aye Ga Ali Akbar