Haider Ka Pisar Sher E Babar Zinda Jigar Hoon
Be Tegh Hoon Maidan Main Par Seena Sipar Hoon
Tum Sab Ki Qaza Hoon Zahra Ki Dua Hoon Saqa E Sakina
Main Hoon Abbas Mujhe Sher E Jari Kehte Hai
Main Hoon Abbas Main Hoon Abbas
Dast E Haider Ka Tarasheeda Nagina Main Hoon
Mehfil O Sabr O Shujaat Ka Qareena Main Hoon
Nooh Ko Naaz Hai Jis Par Wo Safeena Main Hoon
Han Mujhe Fakhr Hai Saqa E Sakina Main Hoon
Marziye Rab Ke Khareedar Ka Ehsaas Hoon Main
Mujh Ko Pehchan Lo Abbas Hoon Abbas Hoon Main
Ghaiz Main Aon Tou Darya Ko Ulat Sakta Hoon
Alqama Khud Main Tujhe Paani Pila Sakta Hoon
Murda Umeedon Ko Thokar Se Jela Sakta Hoon
Nehr Ko Kaat Ke Khaimo Se Mila Sakta Hoon
Hukm E Aaqa Ka Main Paband Hoon Majboor Nahi
Aur Agar Chaahu Tou Kausar Bhi Bohot Dur Nahi
Parcham E Jafar E Tayyar Uthaya Maine
Haq Parasto Ko Diya Dhoop Main Saya Maine
Han Wafa Ko Bhi Wafadar Banaya Maine
Jang E Siffeen Main Wo Haath Dikhaya Maine
Sab Ke Hoton Pe Tha Waliyon Ke Wali Aate Hain
Bhaagne Wale Samajhte Thy Ali Aate Hai
Laye Ho Taigh O Tabar Kis Ko Darane Ke Liye
Ye Khilone Tou Hain Asghar Ko Hasane Ke Liye
Kya Yahan Aaye Ho Be Waqt He Jane Ke Liye
Koi Tarkeeb Karo Jaan Bachane Ke Liye
Haideri Shaan Se Lunga Jo Abhi Angrayi
Tum Ye Kehte Huwe Bhago Ge Qayamat Aayi
Lafz E Ehsaas Ka Ifham Muani Main Hoon
Sher E Darya E Tabeeat Ki Rawani Main Hoon
Fatah E Khyber O Khandaq Ki Jawani Main Hoon
Jo Kabhi Khatm Na Ho Aisi Kahani Main Hoon
Har Jagah Parcham E Saqa E Haram Uthta Hai
Mera Laasha Nahi Utha Tou Alam Uthta Hai
