Main Sakina Hon Mera Dard Hai Itna Baba
Mujh Ko Zalim Ne Kaneezi Main Hai Manga Baba
Maine Dadi Ki Tarhan Itne Masaib Dekhe
Chaar Barson Main He Lagti Hon Zaifa Baba
Jo Teri Laash Pe Dorate Thay Ghora Run Main
Wo Tamacho Sa Mujhe Dete Hain Pursa Baba
Kash Mar Jaon Main Asghar Ko He Rote Rote
Main Kahan Karti Hon Paani Ka Takaza Baba
Puri Shiddat Sa Mujhe Mara Tamacha Jis Ne
Us Ka Hathon Sa Mera Chehra Hai Chota Baba
Ungliyun Ke Tu Kahin Per Hain Anghoti Ke Nishan
Kese Pehchanoge Tum Beti Ka Chehra Baba
Is Qadar Shaam Ke Zindan Main Tareeki Hai
Hath Apna He Nahi Mujh Ko Hai Dikhta Baba
Bhaiya Sajjad Sa Nazrain Na Milayi Maine
Maine Bazaar Main Jab Khaya Tamacha Baba
Sham Walon Sa Na Paani Na Kafan Mangongi
Main Na Ehsaan Yahan Longi Kisi Ka Baba
Rakh Ke Muh Baap Ke Sar Par Wo Pukari Darvaish
Ab Na Jaage Gi Kabhi Teri Sakina Baba
