Masjid E Kufa Hai Rozadar Hai
Farq Se Unchi Lahoo Ki Dhar Hai

Aah Damad E Payambar Ke Liye
Zehr Mein Doobi Hui Talwar Hai

Keh Raha Hai Zakhmi Sar Se Beh Ke Khoon
Dusra Sajda Bohat Dushwar Hai

Raat Tak Abad Tha Haq Ka Makaan
Subho Ko Ujri Hui Sarkar Hai

Farq E Paa Ke Murtaza Mein Taigh Hai
Ya Kalam Ullah Mein Talwar Hai

Zakhm E Sar Hai Haider E Karrar Hai
Dheemi Dheemi Nabz Ki Raftar Hai

Khoon Mein Hai Gark Damad E Nabi
Sans Lena Bhi Bohat Dushwar Hai