Mehboob Ki Mehfil Ko Mehboob Sajate Hain
Aate Hain Wohi Jin Ko Sarkar Bulate Hain
Wo Qalb e Muhammad Par Utari Thi Bohat Pehle
Jibrail Jo La La Kar Aayat Sunate Hain
Jo Log Haqeeqat Mein Aashiq Hain Muhammad Ke
Wo Log Yateemo Ko Seene Se Lagate Hain
Kar Den Jo Karam Aaqa Insan Tu Insan Hai
Kankar Bhi Hatheli Par Quran Sunate Hain
So Kar Bhi Jagaye Ga Islam Ki Qismat Ko
Sarkar Yun Haider Ko Bistar Pe Sulate Hain
Dafnate The Zinda He Jis Dour Mein Beti Ko
Zehra Ko Mere Aaqa Maa Keh Ke Bulate Hain
Sardar E Jawanan E Jannat Hai Wohi Bache
Sarkar Mere Jinka Khud Jhula Julate Hain
Ab Fikr Nahi Mujh Ko Darwaish Qayamat Ki
Sarkar E Abutalib Jab Naat Lithate Hain
