Koi Chadar Najaf Se Le Aao Mera Abbas Mar Gaya Baba
Sharam Aati Hai Bint E Zehra Ko
Meri Janib Na Dekhna Baba
Koi Chadar Najaf Se Le Ao Mera Abbas Mar Gaya Baba
Aaj Karbobala Ke Maqtal Mein
Qati Bhai Behan Hue Dono
Wo Udhar Zeen Se Gira Tha Idhar
Sar Se Mere Giri Rida Baba
Mujh Se Amma Na Puch Len Ye Kahin
Tere Hote Ye Kya Hua Zainab
Mere Bhai Pe Chal Gayi Hai Churi
Mujh Per Khanjar Nahi Chala Baba
Haye Aisa Lagta Hai Us Ke Jane Se
Aik Deewar Hatt Gayi Jaisa
Lut Lo Ab Hussain Ke Khaima
Shaam Walon Main Shor Tha Baba
Haye Mout Zainab Ko Kyun Nahi Aayi
Mar Gaye Aaj Mere Sab Bhai
Le Chalo Mujh Ko Bhi Waha Jaldi
Hai Jahan Mera Bawafa Baba
Baat Ko Mujh Ko Yahi Rulaati Hai
Uske Bachon Se Sharm Aati Hai
Kuch Na Kar Payi Aapki Beti
Khoon E Abbas Beh Gaya Baba
Laash Akbar Ki Jab Uthayi Thi
Sar Pe Mere Rida Salamat Thi
Haye Laash E Ghazi Uthaun Main Kaise
Mere Sar Per Nahi Ridaa Baba
Qatl Ke Baad Phir Se Qatl Hua
Neher Per Bawafa Tarapne Laga
Meri Chadar Utha Kar Naize Per
Shimr Sahil Pe Le Gaya Baba
Meri Bachi Ye Mujse Kehti Hai
Main Bhi Ghazi Pe Jaan Dedungi
Haye Mar Na Jaaye Ye Shaam Se Pehle
Do Sakina Ko Hosla Baba
Ayy Takallum Wo Keh Rahi Hogi
Zairon Per Lagi Hai Pabandi
Meri Maa Intezar Karti Hai
Kaun Aayega Karbala Baba
