Zakhm Dil Ke Dikhaon Main Kaise
Tera Lasha Uthaon Main Kaise
Akbar Mera Sehriyan Wala Akbar
Lashe Akbar Pe Shah Jab Pohunche
Dil Ko Haathon Se Tham Kar Bole
Teri Furqat Ne Aye Ali Akbar
Aag Dil Main Mere Laga Di Hai
Aag Dil Ki Bujhaon Main Kaise
Tu Hai Karyal Jawan Aye Beta
Baap Tera Zaeef Hai Kitna
Noor Ankhon Ka Hogaya Rukhsat
Mujh Ko Ata Nahi Nazar Khaima
Leke Khaimon Main Jaon Main Kaise
Jisne Athara Saal Pala Tha
Kaise Dekhe Gi Wo Tera Lasha
Teri Shadi Ka Tha Jisay Armaan
Kaise Jhele Gi Wo Tera Sadma
Teri Maa Ko Bataon Main Kaise
Dekh Aya Hai Qasid E Sughra
Raha Takti Hai Wo Dukhi Behna
Tujh Ko Beemar Ne Bulaya Hai
Wada Sughra Ka Kyun Bhula Dala
Gham Ye Dil Se Lagaon Main Kaise
Bhai Behnon Ka Hai Ajab Rishta
Jiska Saani Kahin Nahi Milta
Ro Ke Sughra Ne Ye Likha Akbar
Aik Dukhiya Ki Laaj Rakh Lena
Mar Gaya Tu Bataon Main Kaise
Lutf Jeene Main Ab Kahan Akbar
Dil Se Uthti Hai Ye Fughan Akbar
Subhe Ashoor Di Thi Jo Tune
Khoon Rulaye Gi Wo Azaan Akbar
Teri Surat Bhulaon Main Kaise
Zabt Gham Ka Mohal Aye Beta
Dekhon Kaise Ye Zakhm Seenay Ka
Main Tou Pardes Main Akela Hoon
Dekh Kar Zakhm Kya Karun Batla
Is Pe Marham Lagaon Main Kaise
Aisi Gurbat Main Mun Nhi Moro
Main Hoon Tanha Mujhe Na Yun Choro
Kya Guzarti Hai Baap Ke Dil Par
Ghamzada Dil Ko Yun Nahi Toro
Apni Gurbat Bataon Main Kaise
Shadman Ye Dua Hai Khaaliq Se
Waqt Aisa Kisi Pe Na Aaye
Jaisa Mazhar Ne Likh Diya Manzar
Shah Kehte Thy Bas Yehi Ro Kar
Zakhm Dil Ke Dikhaun Main Kaise
Tera Lasha Uthaaun Main Kaise
