Haye Ali Akbar Haye Ali Akbar
Bole Shabbir Meri Jaan Akbar
Kis Ne Maari Tumhe Sina Akbar
Jisme Nazuk Pe Itne Zakhm Lage
Khoon Behta Hai Tere Seene Se
Sochta Hun Ke Kya Bataunga
Kesa Khaime Me Le Ke Jaunga
Puch Le Gar Tumhari Maa Akbar
Sun Rahe Ho Meri Sada Ko Agar
Ankhein Kholo Padar Fida Tum Par
Dum Hamara Ukhar Ne Lagta He
Saans Mera Bhi Ruk Ne Lagta He
Tum Jo Lete Ho Hichkiyaan Akbar
Aaisi Halat Jo Dekhta Hon Main
Zakhm Gin Gin Ke Ro Raha Hon Mai
Kis Ne Barchi Ka Phall Utaara Hai
Kis Ne Seene Pe Waar Mara Hai
Kuch Toh Humse Karo Bayaan Akbar
Tum Ne Jab Aakhri Sada Di Thi
Meri Ankho Me Roshini Na Rahi
Aysa Sadma Hai Ye Mere Beta
Tum Jo Rahwar Se Gire Beta
Gir Parha Hum Pe Aasmaan Akbar
Baat Ye Bhi Suno Qayamat Ki
Tere Marne Ki Jab Khabar Hai Suni
Mujh Ko Fizza Ne Ye Bataya Hai
Ghar Main Zainab Ka Dam Nikalta Hai
Jaan Dete Ho Tum Yahan Akbar
Tum Bhi Meesum Sada Parho Nohain
Aur Tum Bhi Raza Likho Nohain
Soz E Gham Aur Bhi Siwa Kije
Sharf e Maqbooliyat Ata Kijye
Hum Tumhare Hai Noha Khwan Akbar
