Utari Hain Aaj Fatima Zahra Zameen Par
Kaise Rahe Dimagh Zameen Ka Zameen Par

Jibreel Kis Se Puch Ke Laye Ga Aayatein
Zahra Yahin Hain Tu Bhi Thehar Ja Zameen Par

Khud Aa Ke De Gi Maut Sunaran Ko Zindagi
Zahra Bicha Rahi Hain Musalla Zameen Par

Woh Ja Rahi Hain Arsh Pe Zahra Ki Rotiyaan
Woh Aa Raha Hai Dehar Ka Surah Zameen Par

Zahra Ne Khud Dua Ko Uthaye Hain Apne Hath
Abbas Tum Ko Aana Pare Ga Zameen Par

Jannat Se Karbala Ka Pata Puchte Hue
Adam Ke Sath Aayi Hain Hawa Zameen Par

Bekar Hai Ye Is Ko Jahanum Mein Bhej Do
Ik Bojh Hai Ye Dushman E Zahra Zameen Par

Hota Hai Aasmaan Pe Tilawat Mein Woh Shumar
Parhiye Jo Syeda Ka Qaseeda Zameen Par

Takseem Kartin Fatima Zahra Agar Fidak
Baqi Na Rehta Koi Bhi Bhooka Zameen Par

Ye Bhi Tou Mustafa Hain Takallum Isi Liye
Milta Nahi Batool Ka Saya Zameen Par