Zainab Ka Chera Dekhte Hain
Aur Mola Rotay Jatay Hain
Abbas Ke Ansu Pohchte Hain
Shabbir Ko Kuch Samjhate Hain

Sar Dekh Ke Zakhmi Baba Ka
Jab Betiyan Rone Lagti Hain
Bachon Ko Tasali Ki Khatir
Zahra Ka Dard Sunate Hain

Zakhmi Mola Ki Ankho Main
Zakhmi Mashqiza Phirta Hai
Abbas Jari Ke Hathon Se
Qatil Ko Jaam Pilate Hain

Phirta Hai Nighon Main Manzar
Bazaro Ka Darbaro Ka
Kuch Dair Tou Ghar Ke Aangan Main
Zainab Ko Sath Chlate Hain

Ik Roz Is He Kufe Main Tumhe
Be Parda Haram Ko Lana Hai
Abid Ko Laga Kar Seene Se
Bazar Ka Haal Sunate Hain

Bhai Ke Sath Meri Zainab
Jaye Gi Jahan Jane Dena
Ye Tum Ko Wasiyat Hai Meri
Abdullah Se Farmate Hai

Saddat Ke Rone Ki Jo Sada
Parde Se Bahar Ati Hai
Pehchan Lo In Awazon Ko
Logo Sa Kehte Jate Hai

Maloom Tha Ik Din Shano Main
Zainab Ke Rasan Bandh Jaye Gi
Shabar Se Keh Ke Qatil Ke
Hathon Se Rasan Khulwate Hain

Jab Naza Ki Hichki Ati Hai
Zainab Pe Nazar Ruk Jati Hai
Allah Tujhe Abad Rakhe
Honton Se Dua Farmate Hain

Pucha Hai Takallum Zainab Ne
Haider Se Ye Akhri Sanson Main
Kyun Bazo Dekhe Jate Hain
Kyun Sar Ko Chume Jate Hain