Momino Haider E Karrar Ka Matam Kar Lo
Han Muhammed Ke Alamdar Ka Matam Kar Lo

Khaak Urrao Ke Ali Sher E Khuda Maare Gaye
Baazu E Ahmed E Mukhtar Ka Matam Kar Lo

Jis Ke Dar Se Na Gaya Khali Sawali Koi
Wo Sakhi Sahib E Kirdar Ka Matam Kar Lo

Jo Ke Panchon Main Bhi Hai Bara Imamo Main Bhi Hai
Saare Nabiyon Ke Madagaar Ka Matam Kar Lo

Har Wali Kehta Hai Ye Karke Ali Ka Matam
Mere Aaqa Mere Sarkar Ka Matam Kar Lo

Mil Ke Jibreel Ke Ustad Ka Pursa Dedo
Sahib E Duldul O Talwaar Ka Matam Kar Lo

Apne Qaatil Ko Diya Jisne Ke Jaam E Shiree
Kousari Jaam Ke Mukhtar Ka Matam Kar Lo

Kufa O Karbobala Shaam Se Ati Hai Sada
Ujre Sadat Ke Gulzaar Ka Matam Kar Lo