Na Mehmil Hai Na Chadar Aur Sham Ka Yeh Bazaar Hai
Haye Kisko Sada De Zainab Sajjad Mera Beemar Hai
Napaak Nigahon Se Ghar Mujhko Bachana Hai
Quran Mere Bhai Naize Pe Sunana Hai
Kis Tarha Chupaye Khud Ko Is Waqt Bahan Lachar Hai
Jo Wada Kiya Tujha Se Pura Use Karna Hai
In Shaam Ki Galiyon Se Beparda Guzarna Hai
Chadar Ka Muhafiz Jo Tha Is Baat Pe Matamdar Hai
Kis Darja Musibat Hai Kis Darja Pareshani
Barsaye Koi Patthar Koi Phainke Garm Pani
Koi Sadqa Hum Par Phainke Koi Jalte Hue Angaare
Ye Alam e Majboori Bas Roti Rahi Zainab
Ghazi Ki Bahan Ho Kar Kuch Kar Na Saki Zainab
Zalim Ne Teri Bachi Ko Kai Baar Tamache Maare
Ye Shami Humein Paidal Kanton Pe Chalaate Hain
Ghash Kha Ke Jo Gir Jayein Durron Se Jagaate Hain
Chale Bhi Yahi Kehte Hain Aur Zakhm Jigar Ke Sare
Ek Dard Kaleje Main Har Waqt He Rehta Hai
Pani Koi Deta Hai Baaghi Koi Kehta Hai
Bas Itni Dua De Bhai Is Waqt Na Himmat Hare
Hum Mehve Tamasha Hain Qaidi Hain Barhana Na Sar
Ek Baar Nahi Sar Se Nau Baar Cheeni Chadar
Ek Shakhs Aurhain Chadar Aur Dusra Aake Utare
Sajjad Ki Lachari Dekhi Nahi Jaati Hai
Jo Usko Aziyat Hai Zanjeer Batati Hai
Beemar Ki In Aankhon Se Behta Hain Lahoo Ke Dhare
Farhan Ki Mazhar Ki Aankhon Main Wo Manzar Hai
Dauran e Safar Noha Bibi Ke Labon Par Hai
Aayi Bhai Teri Furqat Hai Jeeteji Mujhe Jo Mare
