Nad-e-Ali Ka Wird Karo Yeh Gham Wam Dar War Kya
Nad-e-Ali Ke Samne Koi Mantar Wantar Kya

Sher-e-Khuda Ne Khud Apni Talwar Ko Roka Tha
Warna Aye Jibreel(AS) Tumhare Shehpar Wehpar Kya

Jis Ne Apne Bachpan Mein Azdar Ko Cheera Ho
Oss Ko Bhari Jawani Mein Yeh Khaibar Waibar Kya

Dono Jahan Bhi Iss Ke Muqabil Aaye Tu Harein Gaye
Haris Waris Marhab Warhab Antar Wantar Kya

Jis Ke Dil Pe Hub-e-Ali Ki Mohar Lagi Hogi
Oss Ke Liye Yeh Barzakh Warzakh Mehshar Wehshar Kya

Lashkar-e-Batil Kyun Apni Tadaad Pe Nazaan Hai
Izn Mile Abbas Ko Tu Phir Lashkar Washkar Kya

Ishq-e-Ali Ki Rah Mein Tu Jibreel Bhi Qasir Hain
Ishq-e-Ali Ki Rah Mein Phir Yeh Nayyar Wayyar Kya