Zikr e Fatima namaz mein
Hoga barmila namaz mein

Maang lena tum bhi kainat
Jab ho Fatima namaz mein

Peechay sajday mein hain Asiya
Aage Fatima namaz mein

Kaash Fatima se bhi koi
Kuch to maangta namaz mein

Fatima kahin nahi gayin
Aaye Mujtaba namaz mein

Jashn e Fatima hai Sheikh Ji
Munh to mat bana namaz mein

Surah wal-Adiyat parh
Manqabat suna namaz mein

Yaad rakh Hussain ki namaz
Sab ko bhool ja namaz mein

Ghasibon pe be shumar kar
Aayega maza namaz mein

Sar kata hai ayatain nahi
Dekh mu’jiza namaz mein

Muskura rahi hain Fatima
Parh rahi hain kya namaz mein

Mil nahi rahe thay Murtaza
Rabta hua namaz mein

Meer Matami milega bas
Ya aza mein ya namaz mein

Poet: Mir Sajjad Mir

Manqabat Khuwan: Mir Sajjad Mir