Nikla Hai Janaza Koi Allah Ke Ghar Se
Aflaaq Main Ek Shor Hai Maatam Ke Asar Se
Afsos Ke Masjid Main Namaazi Gaya Mara
Kuch Kamm Nahi Ye Hashr Qayamat Ke Asar Se
Shabbir Ko Yad Aagayi Khud Apni Sakina
Zainab Ko Hataya Gaya Jab Laash E Padar Se
Abbas Zara Zainab E Muztar Se Khabardar
Faryad Min Hat Jaye Na Chaadar Kahi Sar Se
Yaad Aagaya Zainab Ko Wo Pehlu E Shikasta
Rumal Hataya Gaya Baba Ke Jo Sar Se
Haa Bhoolna Jana Inhain Kufe Ke Makeeno
Guzrengi Ye Shehzadiya Is Raah Guzar Se
Zainab Se Ye Keh Do Ke Wo Dil Khol Ke Roye
Shabbir Ki Hamsheer Hai Rone Ko Na Tarse
Ashaab Bhi Sun Paye Na Jis Bibi Ki Aahat
Sar Nange Wohi Guzrenge Is Raah Guzar Se
