Aik Shaks Ke Jawan Pisar Qatl Ho Gya
Har Bap Ki Tarah Sa Wo Sadma Na Seh Saka
Rote Hue Hussain Ke Roze Ka Rukh Kiya
Kehne Lga Ke Mujh Main Nhi Itna Housla
Moula Bataye Farz Nibhate Hai Kis Tarah
Noor e Nazar Ki Lash Utahte Hai Kis Tarah
Aankhon Ka Jo Ujala Tha Wo Lal Mar Gaya
Nazon Sa Jisko Pala Tha Wo Lal Mar Gaya
18 Saal Wala Tha Wo Lal Mar Gaya
Mamta Ka Jo Hawala Tha Wo Lal Mar Gaya
Maa Ko Khabar Ye Jaa Ke Sunate Hai Kis Tarah
Bete Ki Lash Dekh Ke Khud Laash Ban Gaye
Beta Jawan Mar Gaya Zinda Rahu Main Kya
Ye Aapka Jigar Hai Jo Sadma Ye Seh Gya
Yani Jawan Bete Ka Laasha Utha Liya
Hatho Pe Apna Laasha Uthate Hai Kis Tarah
Aaya Koi Hai Ghusl Ko Laya Kafan Koi
Bete Ki Laash Mujh Ko Salamat He Mil Gay
Tuti Hui Jigar Main Nahi Naize Ki Ani
Ghoron Ke Doldne Sa Tu Pamal Nahi Hui
Aankho Sa Khoon Dil Ka Bhatate Hai Kis Tarah
Seh Roz Ka Tu Pyasa Nahi Tha Mera Pisar
Barchi Ke Phal Se Tukre Nahi Lal Ke Jigar
Akbar Tu Bhooka Pyasa Tarapta Tha Khak Per
Seene Se Apne Lal Ke Barchi Nikal Kar
Shukr e Khuda Ko Honto Pe Late Hai Kis Tarah
Wo Waqt Ke Jo Farz Nibhane Ka Waqt Ho
Wo Lal Jisko Dulha Bnane Ka Waqt Ho
Hatho Main Jiske Mehndi Lgane Ka Waqt Ho
Wo Jiske Sir Pe Sehra Sajane Ka Waqt Ho
Mayyat Pe Uski Phool Sajate Hai Kis Tarah
Akbar Ka Pursadar Tha Humsar Tu Nahi Tha
Bete Se Moula Aapke Barh Kar Tu Nahi Tha
Yusuf Misal Husn Ka Paikar Tu Nahi Tha
Beta Mera Haseen Tha Akbar Tu Nahi Tha
Ahsase Zabt Itna Dikhate Hai Kis Tarah
Salman Aazmi Yahe Rawi Ne Hai Likha
Mayyat Pisar Ki Apne Nahi Wo Utha Ska
Bete Ke Mun Pe Mun Ko Rakha Or Mar Gya
Tareekh Ne Ye Waqiya Mehfooz Kar Liya
Mehraj Karbala Ki Batate Hai Kis Tarah
