Qaidi Hon Main Baba Jaan
Ab Shahzadi Kahan
Na Apna Woh Ghar Hai Na Apna Madina
Wo Banhein Chacha Ki Tumhara Woh Seena
Bolo Khudara Tum Ho Kahan Main Kahan
Jis Din Se Tum Se Juda Ho Gayi Hon
Dekho Tu Baba Main Kya Ho Gayi Hon
Ujra Makan Hai Rehti Hon Ab Main Jahan
Kehti Na Thi Dekho Na Jao Baba
Taras Khao Mujh Par Taras Khao Baba
Tum Kya Gaye Ho Mujh Par Gira Aasmaan
Jaisa He Naiza Pe Tum Aaye Baba
Main Ne Tamachay Bohat Khaye Baba
Rukhsar Par Hain Abhi Tak Sitam Ke Nishaan
Manga Kaneezi Mein Baba Kissi Ne
Phainka Meri Simt Sadqa Kissi Ne
Paidal Chali Hon Kanton Ke Main Darmiyaan
Milne Ko Hum Se Chale Aao Baba
Ik Bar Chehra Dikha Jao Baba
Aye Pyare Baba Phir Hum Kahan Tum Kahan
Chalo Sham Chalte Hain Rehan O Sarwar
Wahan Dekhna Kya Hai Chehlum Ka Manzar
Bibi Sakina Kartin Hain Ab Tak Fugan
