Sayeda Tahira Sayeda Marziya
Ye Quran Hai Qaseda Fatima Ka
Khuda Zakir Hai Pehla Fatima Ka
Simat Kar Surah e Kosar Bana Hai
Taruf Mukhtasar Sa Fatima Ka
Yahan Par Butt Nahi Hai Butt Shikan Hai
Hai Ghar Kabe Ka Kaba Fatima Ka
Khuda Ko Ayaten Dena Pari Hain
Bohat Mehnga Hai Faqa Fatima Ka
Wilayat Ko Bacha Kar Le Gayi Hai
Ali Par Bhi Hai Qarza Fatima Ka
Aza Khana Bana Rakha Hai Maine
Mere Ghar Mein Hai Hisa Fatima Ka
Faqat Ye Matami Dasta Nahi Hain
Inhain Samjho Qabela Fatima Ka
Jabhi Jibreel Bhi Zair e Kisa Hai
Ye Nokar Hai Chaheta Fatima Ka
Agar Salman Hoti Sari Duniya
Azaan Mein Naam Hota Fatima Ka
Yahan Mat Aazmao Apni Qismat
Ali Sy Tay Hai Rishta Fatima Ka
Kahaye Ga Daar Par Bhi Ye Takallum
Fidak Hai Fatima Ka Fatima Ka
