Ali Ke Ghar Se Le Kar Arsh Tak Bas Gham Ka Mosam Hai
Sabab Se Is Ke Ab Ramzan Bhi Mah e Muharram Hai
Lagi Hai Jo Sar e Haider Pe Zarbat Eid Se Pehle
Janaza Uth Raha Hai Shah e Khaibar Geer Ka Logo
Na Pucho Haal Kya Hai Zainab e Dilgeer Ka Logo
Khushi Hasnain Ki Hoti Hai Gharat Eid Se Pehle
Kaha Ashaab Ne Sar Peet Kar Hasrat Rahi Baqi
Imamat Main Ali Ki Phir Namaz e Eid Parhne Ki
Qaza Ne Cheen Li Yeh Bhi Sadat Eid Se Pehle
Dar e Zahra Jala Kar Bhi Hasad Ki Aag Baqi Hai
Humein Kya Thi Khabar Nana Sada Zainab Ki Aati Hai
Dobara Khum Ka Badla Legi Ummat Eid Se Pehle
Ali Ke Waste Tu Eid Masjid Main Shahadat Thi
Mulaqat e Khuda Ki Is Qadar Haider Ko Thi Jaldi
Jaga Kar Khud Diya Qatil Ko Sharbat Eid Se Pehle
Saf e Matam Bicha Do Sogwaro Aaj Ghar Ghar Main
Baha Do Apni Aankhon Ke Ye Darya Yaad e Haider Main
Milegi Tum Ko In Ashkon Ki Qeemat Eid Se Pehle
Ali Ko Halat e Roza Main Maara Kalma Goyon Ne
Lahad Main Bhi Muhammad Ko Sataya Kalma Goyon Ne
Rulaya Syeda Ko Zer e Turbat Eid Se Pehle
Dua Maango Ke Raah e Hijr Mehdi Jald Khul Jaye
Ke Raaz e Inteqam Karbala Darvesh Khul Jaye
Mile Zeeshan Ko Bhi Yeh Basharat Eid Se Pehle
