Rone Walon Shehar Madine Main
Aik Aisa Bhi Waqt Aaya Hai
Kalma Goyo Ne Kalma Walon Ko
Bhare Darbar Mein Rulaya Hai

Hai Muqadma Rasool Zaadi Ka
Bhare Darbaar Mein Woh Aayi Hai
Jin Pe Allah Bhi Durood Parhe
Aise Farzand Saath Laayi Hai
Pasban E Fidak Ne Phir Kaise
Un Gawahon Ka Dil Dukhaya Hai

Masnad E Mustafa Pe Ghaasib Hai
Samne Mustafa Ki Beti Hai
Mera Haq De Do Aye Musalmaano
Ro Ke Khair Un Nisa Ye Kehti Hai
Mere Baba Ke Baad Kyun Tum Ne
Fatima Par Ye Zulm Dhaya Hai

Bola Be Zarf Aye Nabi Zadi
Tere Haq Ko Main Janta He Nahi
Ja Likhi Thi Tumhare Baba Ne
Main Woh Tehreer Manta He Nahi
Chaak Kardi Sanad Muhammad Ki
Kehkaha Zor Se Lagaya Hai

Qabr E Ahmad Pe Jake Kehne Lagi
Fatima Ko Zaeef Kar Dala
Dekho Baba Tumhari Ummat Ne
Kitna Mujh Ko Zaeef Kar Dala
Mera Mohsin Shaheed Kar Dala
Mere Pehlu Pe Dar Giraya Hai

Fatima Syeda Ko Baba Ki
Gar Wirasat Pe Ikhtiyar Nahi
Phir Woh Aurat Nabi Ke Hujre Ki
Aye Musalmano Wirsadar Nahi
Jis Ne Maula Hasan Ki Mayyat Par
Teer Hatho Se Khud Chalaya Hai

Gham E Aale Aba Mein Rehta Hai
Zikr E Shabbir Aam Karta Hai
Matami Ko Tauqeer Nauho Mein
Is Liye Bhi Salam Karta
Jisne Bhi Bibi Batool Ke Gham Mein
Dil Ko Bait Ul Huzn Banaya Hai