Wasiyat Hai Yateema Ki Zindan Se Sakina Ki
Kon Zindan Main Suna Ye Mere Nale Amma
Kar Diya Mujh Ko Andheroun Ke Hawale Amma
Aik Mudat Se Nahi Dekhe Ujala Amma
Mujh Ko Zindan Ke Andheroun Se Bachna Amma
Roz Turbat Pe Meri Shama Jalana Amma
Apne In Zakhmoun Ki Main Taab Na Lapaoun Gi
Mujh Ko Lagta Hai Main Kuch Roz Main Mar Jaoun Gi
Amma Main Luat Ke Na Apne Watan Jaoun Gi
Meri Haalat Meri Sughra Ko Batana Amma
Jab Bhi Main Royi Mujha Marta Tha Shimr e Laeen
Neend Is Dar Se Mujha Qaid Main Aati He Nahi
Phir Meri Qabr Pe Wo Shimr Na Ajaye Kahin
Mujh Ko Tanha Na Yahan Chorh Ke Jana Amma
Piyas Ki Aakhri Manzil Hai Ye Hai Waqt Karha
Jism Ka Pani Mera Sookh Gaya Hai Sara
Ab Tu Haddi Se Mera Gosht Juda Hona Laga
Mera Ye Haal Chacha Jan Ko Sunana Amma
Ghusl Jab Dene Lago Mujh Ko Tu Ho Dhyan Zara
Zakhm Taza Hai Abhi Khoon Bohat Mera Baha
Jism Ke Zakhmon Sa Hai Chipka Ye Kurta Mera
Jism Sa Kurta ko Ashist Sa Churana Ama
Hogaya Mujh Ko Yakeen Main Na Kabhi Jaaogi Ghar
Dafn Hojaaogi Is Qaidi e Jafa Main Mar Kar
Ik Wasiyat Hai Meri Puri Karogi Madar
Fatiha Dene Ke Liye Baba Ko Bulana Ama
Kesi Pur Dard Wasiyat Thi Banayn Ho Kese
Bayan Ye Mazhar o Farhan Sakina Ne Kiye
Zalimon Sa Na Kafan Lena Sakina Ke Liye
Mujh Ko Kurta Main He Markat Main Sulana Ama
