Likh Fatima Zehra Ki Sana Aur Zyada
Kar Dega Karam Tujh Pe Khuda Aur Zyada

Kausar Ko Ata Kar Ke Sada Di Ye Khuda Ne
Banta Hai Khadija Ka Sila Aur Zyada

Maa Ne Kaha Karni Hai Mujhe Majlis E Zehra
Beta Zara Mehnat Se Kama Aur Zyada

Aasar E Nidamat Jo Pare Hur Ki Jabin Par
Shabbir Ne Rumaal Kasa Aur Zyada

Mehdi Se Mulaqat Ho Yun Waqt Ki Chakki
Aye Bibi Zara Tez Chala Aur Zyada

Wo Dekh Dua Deti Hain Hasnain Ki Madar
Matam Mein Zara Haath Utha Aur Zyada

Matam Ki Ibadat Ho Ya Sajde Ki Ibadat
Dil Dono Namazon Mein Laga Aur Zyada

Raahib Ki Taraf Dekh Ke Shabbir Pukare
Ye Saat Pisar Kaafi Hain Ya Aur Zyada

Ik Noor Nazar Aayega Hamrah Ali Ke
Meraj Ka Parda Jo Utha Aur Zyada

Jo Khud Ko Samajhti Hai Kaneez E Dar E Zehra
Us Sar Pe Zaroori Hai Rida Aur Zayada

Maukib Se Koi Pyasa Nahi Jaye Takallum
Zawwaron Ko Awaz Laga Aur Zyada